Christiane Giraud

Christiane Giraud artistak eskultura egiten ikasi du Baionako Arte ederretako goi-mailako eskolan. Bere helburu nagusia da "orekaren edireitea gogoetaren eta ekintzaren artean".

Bere ibilbide joria ezaguna bilakatua da, Euskal Herrian eta kanpoan, azoketan eta erakusketetan parte hartuz, besteak beste.

Hogeitamar urte hauetan, metala, harria, bainan oroz gainetik zura lantzen du. Marrek eta kurbek gainditzen dituzte formak eta ekaia. Obrak mentalak bezain fisikoak dira, eskultoreak harreman berezia baitauka forrnan ezartzen duen materiarekin.

Christiane Giraud-en obretan, giza-emakumeen gorputzak bizi dira, egurrezko gorputzak, legunak edo gordinak, grabatuak edo erreak, bolumen arin edo abstraktuak. Horiek oro, koherentzia handi batekin.

Bainan eskultura bakoitzak bere historia badauka, artistari ez baitzaio lehenik gorputzaren irudipena interesatzen, baizik eta gordetzen duena: beste errealitate bat, ikusezina eta mugikorra, jendeen barne bizia.

"Artista beti jostatzen da bi mundurekin: kontzientea eta inkontzientearekin, menperatzen duena ala ez. Tentsio horiek oro aberasgarriak dira. Dena baliatzen da ikerketa artistiko batean, norberaren guzti-guztia" dio Christiane Giraud eskultoreak.

Pantxoa Etchegoin

MdA: G079481

Christiane
avatar

Christiane Giraud

iF

iF-ek (Yves Matxikote Jorajuriak) batez ere tinduan garatzen badu ere bere desmartxa, Baionako eta Bordaleko Arte Ederretako eskoletan euskarri eta teknika ezberdinak probatzeko barneratu zuen ohitura­rekin segitzen du.

Funtsean ez zaio gusta­tzen ez arlo batera ez estilo batera mugatzea. Esploratzea du gustuko eta ikerketa horretan gaiak du garrantzia.

Arte engaiatua garatzen du. Jendartea eta gizakiaren baldintzak ditu inspirazio iturri.

Gauzak bizitzen dituen bezala, zeharkako biderik gabe, gordinki, ekartzen ditu; eta bere munduan murgiltzen laguntzeko formatu handiak ditu gogoko.

Gizakiak margotzen eta soldatzen dituenean, gu margotzen eta soldatzen gaitu. Ingurumena eta hiria modelatzen dituene­an, gu jartzen gaitu erdigunean.

Zer gara? zertan ari gara? guhaur, gure jendartea, agintzen dugunok, jasaiten dugunok? Zer ondorio ditu edozerk gure bizian, gure larruan eta ondokoenetan?

Galderak atertu gabe eta erantzun aukerak beste horrenbeste, irudikapen bideak nahi beste.

Arrak eta Garrak, Isilduak, Hirisilduak eta etorriko direnak zentzu horretan kokatzen diren puzzle baten piezak dirudite… Hausnarketaren eiherari goroldioa atera ez dakion eta itaunak zintzurrean ito ez daitezen piezak.

Gauzak ezberdinak izan daitezkeelako beti.

MdA: M960502

avatar

iF

Harremana


tTok - Joaniskobaita, Purguko kurutzeko plaza - 64480 Uztaritze (Lapurdi - EH)
+33 (0) 601 980 024 | +33 (0) 559 930 561